जनता समाजवादी पार्टी, नेपाल सप्तरीको अध्यक्षमा केदार यादव निर्वाचित भएका छन् । निकटतम प्रतिस्पर्धी उमेश यादवलाई ३० मतले पराजित गर्दै केदार अध्यक्षमा निर्वाचित भएका हुन् ।

यसैगरी, जिल्ला उपाध्यक्षमा लक्ष्मण यादव विजयी भएका छन् । उनले निकटतम प्रतिस्पर्धी हरेराम यादवलाई जम्मा ९ मतले पराजित गर्दै विजय हासिल गरे । जिल्ला सचिवमा निरज मुक्तिले जम्मा १ मतले निर्वाचित भए । त्यस्तै, उपसचिवमा रिता चौधरी र रामेश्वर यादव विजयी भएका छन् भने कोषाध्यक्षमा अमरेन्द्र यादव निर्वाचित भए ।

जिल्ला कार्यसमितिका सदस्यहरूको निर्वाचन सम्पन्न भए पनि आज दिउँसोदेखि उनीहरूको मतगणना शुरू हुने छ ।